મરચામાં આયાત પડતર ઊંચી હોવાથી ચીનના ખરીદદારો ભારતીય મરચાંથી દૂર રહ્યા છે. જોકે વેપારીઓનો એક વર્ગ માને છે કે પડોશના દેશોમાં મરચાંના પાકમાં આશરે ૨૦ ટકાનો ઘટાડો થયો હોઈ ટૂંક સમયમાં ચીનની માગ ખૂલશે.
ચીનની માગ મંદ છે કારણ કે હાલ ભાવ ઊંચા છે. ચીનના ખરીદદારો ભારતમાં ભાવ નીચા આવે એની રાહ જોઈ રહ્યા છે, એમ એક વેપારીએ કહ્યું હતું. એ ઉપરાંત ચીનમાં હાલ માગ નથી કારણ કે ત્યાં વસંતોત્સવની રજા નજીકમાં છે.
તાજેતરનાં વર્ષોમાં ચીન ભારતીય મરચાંના મુખ્ય ખરીદદાર દેશ તરીકે ઊભર્યો છે. ચીન અને ભારતમાં મરચાંના ભાવમાં પ્રતિ ટન ૧૦૦ ડોલરથી અધિકનો તફાવત છે. ભારતીય મરચાંનો ભાવ ટનદીઠ ૨,૫૫૦ ડોલર બોલાય છે.
ઓક્ટોબર-નવેમ્બરમાં આંધ્ર પ્રદેશ, તેલંગણા અને કર્ણાટકમાં અતિરિક્ત વરસાદ થયો એટલે લાલ મરચાંના ભાવમાં ઉછાળો આવ્યો હતો. એ ઉપરાંત સૌથી વધુ મરચાં ઉગાડતા આંધ્ય પ્રદેશમાં મરચાંને રોગ લાગુ પડ્યો હતો. પરિણામે તેજા વેરાઈટી કે જેનો ભાવ ઓક્ટોબરમાં કિલોદીઠ રૂ.૧૨૫ આસપાસ હતો તે અત્યારે રૂ.૧૬૦ બોલાઈ રહ્યો છે.
- ઘઉંની આવકો ઘટતા મકરસંક્રાંતિ બાદ ઘઉંના ભાવમાં સુધારાની સંભાવનાં, કેવા રહેશે ભાવ?
- તલમાં સતત ઘટતી આવકો વચ્ચે તલના ભાવ માં આ રીતે આવી શકે છે ઉછાળો
- એરંડામાં જોઇએ એટલી આવકો વધતી નથી, એરંડાના ભાવ વધવાની રાહ જોવી કે નહીં?
- ચણામાં ફેબ્રુઆરી આસપાસ નવી આવકોના અંદાજ સાથે ચણાના ભાવમાં ઉછાળાની આશા
નવો પાક કે જેમાં ભેજનું પ્રમાણ અધિક છે તેનો ભાવ કિલોદીઠ રૂ.૧૦ નીચો બોલાઈ રહ્યો છે, એમ વેપારીઓ એ કહ્યું હતું.