Gujarat Weather Forecast (ગુજરાત અશોકભાઈ પટેલની આગાહી): ગુજરાતમાં માર્ચ મહિનાની ગરમી દિવસે દિવસે વધી રહી છે. વેધર એનાલીસ્ટ શ્રી અશોકભાઈ પટેલે જણાવ્યું છે કે આગામી શનિવારથી સોમવાર (તા.22 થી 24 માર્ચ) દરમિયાન ગરમીનો નવો રાઉન્ડ આવશે, જેમાં તાપમાન 39 થી 41.5 ડીગ્રી સેલ્સિયસ સુધી પહોંચશે. તેમણે હાલમાં ચાલી રહેલી તાપમાનની સ્થિતિ અને આગામી દિવસોની હવામાન આગાહી અંગે વિગતવાર માહિતી આપી છે.
ગુજરાતમાં તાપમાનની સ્થિતિ
અશોકભાઈ પટેલે જણાવ્યું કે, અગાઉ આપવામાં આવેલી આગાહીઓ મુજબ તાપમાનમાં થોડો ઘટાડો નોંધાયો હતો. ગુજરાતના વિવિધ શહેરોમાં ગઇકાલે નોંધાયેલ મહત્તમ તાપમાન નીચે મુજબ હતું:
- ભુજ આજનું તાપમાન: 36.2°C (સામાન્ય તાપમાન)
- રાજકોટ આજનું તાપમાન: 37.7°C (સામાન્ય કરતાં 1°C વધારે)
- અમદાવાદ આજનું તાપમાન: 37.5°C (સામાન્ય કરતાં 1°C વધારે)
- અમરેલી આજનું તાપમાન: 36.8°C (સામાન્ય કરતાં 1°C ઓછું)
- ડીસા આજનું તાપમાન: 38.1°C (સામાન્ય કરતાં 2°C વધારે)
હાલમાં ગુજરાતનું સામાન્ય મહત્તમ તાપમાન 37°C ગણાય છે, પરંતુ આગામી દિવસોમાં તેમાં વધારો થવાની સંભાવના છે.
ગુજરાતમાં હવામાનની આગાહી
શ્રી અશોકભાઈ પટેલે 20 થી 27 માર્ચ સુધીની આગાહી જાહેર કરી છે, જેમાં તાપમાન અને પવનની દિશા અંગે મહત્વપૂર્ણ માહિતી આપવામાં આવી છે.
20 થી 21 માર્ચ (ગુરૂવાર અને શુક્રવાર)
- મહત્તમ તાપમાન 37°C થી 39°C નીચમાં રહેશે.
- આકાશ મુખ્યત્વે ચોખ્ખું રહેશે.
- પવનની દિશા પશ્ચિમ અને ઉત્તર પશ્ચિમ તરફથી રહેશે.
22 થી 24 માર્ચ (શનિવાર થી સોમવાર)
- ગરમીનો નવો રાઉન્ડ શરૂ થશે.
- મહત્તમ તાપમાન 39°C થી 41.5°C વચ્ચે રહેશે.
- પવનની દિશા ઉત્તર-પશ્ચિમ અને ઉત્તર તરફથી ફૂંકાશે.
- પવનની ઝડપ 10 થી 15 કિ.મી. પ્રતિ કલાક રહેશે.
- આકાશ સપાટ અને ચોખ્ખું રહેશે.
25 થી 27 માર્ચ (સોમવાર થી બુધવાર)
- મહત્તમ તાપમાન 38°C થી 40°C નીચમાં રહેશે.
- પવનની દિશા ફરીથી પશ્ચિમ અને ઉત્તર પશ્ચિમ તરફી થશે.
- પવનની ઝડપ 10 થી 15 કિ.મી. પ્રતિ કલાક રહેશે.
- આકાશ મુખ્યત્વે ખુલ્લું અને ચોખ્ખું રહેશે.
પવનની સ્થિતિ અને ઝાકળની શક્યતા
- 22 થી 24 માર્ચ દરમિયાન પવન ઉત્તર-પશ્ચિમ અને ઉત્તર દિશા તરફથી ફૂંકાશે.
- 24 અને 25 માર્ચ ના પવનની ગતિ 15 થી 25 કિ.મી. પ્રતિ કલાક રહેશે.
- 21, 22 અને 25, 26 માર્ચ ના રોજ કચ્છ અને પશ્ચિમ સૌરાષ્ટ્રના કેટલાક વિસ્તારોમાં ઝાકળ પડવાની શક્યતા છે.
આગામી દિવસોમાં તાપમાનનો વધારો નોંધાશે અને ખાસ કરીને 22 થી 24 માર્ચ દરમિયાન ગરમી વધુ રહેશે. પવનની દિશા અને ઝડપ બદલાતી રહેશે, પરંતુ વરસાદની કોઈ શક્યતા નથી. લોકોએ હવામાનની હાલત પ્રમાણે પોતાની દૈનિક પ્રવૃત્તિઓમાં ફેરફાર કરવો જોઈએ અને ગરમીથી બચવા જરૂરી પગલાં ભરવા જોઈએ.
