Modi Government CCEA Decision : ગુજરાતના ખેડૂતોને ખરીફ પાક સહીત 17 પાકના ટેકાના ભાવ માં કર્યો વધારો

આર્થિક બાબતોની કેબિનેટ સમિતિ, (Cabinet Committee on Economic Affairs) CCEA એ માર્કેટિંગ સિઝન 2022-23 માટે તમામ હેતુવાળા ખરીફ પાકો માટે લઘુત્તમ ટેકાના ભાવ માં વધારો મંજૂર કર્યો છે. મંજૂર થયેલ દરો અખિલ ભારતીય ભારિત સરેરાશ ઉત્પાદન ખર્ચના ઓછામાં ઓછા 1.5 ગણા છે.

9 જૂન ગુરુવારે નવી દિલ્હીમાં મીડિયાને સંબોધતા માહિતી અને પ્રસારણ મંત્રી અનુરાગ સિંહ ઠાકુરે જણાવ્યું હતું કે, મંજૂર દરો અખિલ ભારતીય ભારિત સરેરાશ ઉત્પાદન ખર્ચના ઓછામાં ઓછા દોઢ ગણા છે.

અનુરાગ ઠાકુરે વધુમાં જણાવ્યું હતું કે, પાછલા વર્ષની સરખામણીમાં MSPમાં સૌથી વધુ સંપૂર્ણ વધારાની ભલામણ તલ 523 રૂપિયા પ્રતિ ક્વિન્ટલ, મગ 480 રૂપિયા પ્રતિ ક્વિન્ટલ, સૂર્યમુખી બીજ 385 રૂપિયા પ્રતિ ક્વિન્ટલ, તુવેર, અડદ અને મગફળી 300 રૂપિયા પ્રતિ ક્વિન્ટલ, કપાસ (મધ્યમ મુખ્ય) માટે 354 રૂપિયા અને કોટન (લોંગ સ્ટેપલ) 355 રૂપિયા ભલામણ કરવામાં આવી છે.

મંત્રીએ કહ્યું કે, તેનાથી વધુ રોકાણ અને ઉત્પાદન થશે. તે ખેડૂતો માટે ખાતરી પૂર્વકના લાભકારી ભાવો પણ પ્રદાન કરશે અને આત્મનિર્ભર ભારતનું લક્ષ્ય હાંસલ કરવામાં મદદ કરશે.

આગળ અનુરાગ ઠાકુરે કે મોદી સરકાર ખેડૂતોના જીવનમાં સમૃદ્ધિ લાવવા અને તેમની આવકમાં વધારા માટે પ્રતિબદ્ધ છે. અમે માત્ર એમએસપીમાં સતત વધારો જ નથી કરી રહ્યા પરંતુ વધુને વધુ ખરીદી પણ કરી રહ્યા છીએ. અમારી સરકારમાં કૃષિ બજેટમાં અનેકગણો વધારો થયો છે. એગ્રીકલ્ચર ઈન્ફ્રાસ્ટ્રકચર ફંડ માટે 1 લાખની છૂટ આપવામાં આવી છે. અમે સિંચાઈથી લઈને વીમા સુધી, જમીનના સ્વાસ્થ્યથી લઈને ખેડૂતો માટે પેન્શન સુધી કામ કરી રહ્યા છીએ.

ટેકાના ભાવ વધારાથી શું લાભો થશે :

• વધુ રોકાણ અને ઉત્પાદન તરફ દોરી જશે
• ખેડૂતોને ખાતરીપૂર્વકના વળતરના ભાવ આપશે
• આત્મનિરોહર ભારતનું લક્ષ્ય હાંસલ કરવામાં મદદ કરશે
• આત્મનિર્ભરતા તરફ દોરી જશે અને આયાત પર નિર્ભરતા ઘટાડશે

પાછલા વર્ષની સરખામણીમાં એમએસપીમાં સૌથી વધુ સંપૂર્ણ વધારાની ભલામણ કરવામાં આવી છે.

• તલ (રૂ. 523 પ્રતિ ક્વિન્ટલ)
• મગ (રૂ. 480 પ્રતિ ક્વિન્ટલ)
• સૂર્યમુખીના બીજ (રૂ. 385 પ્રતિ ક્વિન્ટલ)

છેલ્લા બે વર્ષમાં જ MSPના 38.56 લાખ લાભાર્થીઓમાં વધારો થયો છે. સરકારે તેના અત્યાર સુધીના કાર્યકાળ દરમિયાન ખેડૂતોને MSPના રૂપમાં રેકોર્ડ નાણાં પણ આપ્યા છે. એટલે કે માત્ર પાકના ભાવમાં જ વધારો નથી થયો પરંતુ તેની ખરીદી અને લાભાર્થીઓની સંખ્યામાં પણ વધારો થયો છે.

કેન્દ્ર સરકારે 2022-23 માટે 15 ખરીફ પાકોના લઘુત્તમ ટેકાના ભાવ (MSP)માં રેકોર્ડ વધારો કર્યો છે. ગત વર્ષે વિવિધ પાકોના ભાવ રૂ. 70 થી વધારીને રૂ. 452 કરવામાં આવ્યા હતા. પરંતુ આ વર્ષે રૂ.92 થી રૂ.523નો વધારો થયો છે. ખેડૂતોની આવક (Farmers Income) વધારવા માટે મોદી સરકારે દર વર્ષે પાકના સરકારી ભાવમાં વધારો જ નથી કર્યો પરંતુ તેનો વ્યાપ પણ વધાર્યો છે.

તમામ ખરીફ પાકો માટેની માર્કેટિંગ સિઝન 2022-23 માટે લઘુતમ ટેકાના ભાવ